കൊളത്തൂര്‍: മൂര്‍ക്കനാട് ഗ്രാമപഞ്ചായത്തിനെ സമ്പൂര്‍ണ മാലിന്യ മുക്ത പഞ്ചായത്താക്കാനുള്ള പദ്ധതിക്ക് ഭരണസമിതി രൂപം നല്‍കി. പഞ്ചായത്തിന്റെ പരിധിയില്‍ വരുന്ന മുഴുവന്‍ പ്രദേശത്തേയും വീടുകള്‍, പൊതുകേന്ദ്രങ്ങള്‍, വിദ്യാലയങ്ങള്‍, വ്യാപാര സ്ഥാപനങ്ങള്‍,സ്വകാര്യ സ്ഥാപനങ്ങള്‍ എന്നിവിടങ്ങളില്‍ നിന്നും മാലിന്യങ്ങള്‍ ശേഖരിക്കാനാണ് ലക്ഷ്യം.
ശേഖരിക്കുന്ന മാലിന്യങ്ങള്‍ സംസ്‌കരണ ഏജന്‍സിക്ക് കൈമാറും. ഇതോടൊപ്പം പഞ്ചായത്തില്‍ മാലിന്യ ബോധവല്‍ക്കരണവും നടത്തും. വെങ്ങാട് കമ്മ്യൂനിറ്റി ഹാളില്‍ ചേര്‍ന്ന യോഗത്തില്‍ പഞ്ചായത്ത് അംഗങ്ങള്‍, ആരോഗ്യ വകുപ്പ് അധികൃതര്‍, അധ്യാപകര്‍, വ്യാപാരി വ്യവസായി പ്രതിനിധികള്‍ തുടങ്ങിയവര്‍ സംബന്ധിച്ചു. പ്രസിഡന്റ് കെ രാജഗോപാലന്‍ ഉദ്ഘാടനം ചെയ്തു. സി ലക്ഷ്മി ദേവി അധ്യക്ഷയായി.