ബഹിരാകാശക്കുതിപ്പില്‍ ഇന്ത്യ വിജയകരമായി സെഞ്ച്വറിയിലെത്തിയിരിക്കുകയാണ്. ഐ.എസ്.ആര്‍.ഒയുടെ 42 ാമതു ദൗത്യത്തില്‍ നമ്മുടെ നൂറാമത് ഉപഗ്രഹമായ കാര്‍ട്ടോസാറ്റ് 2 അടക്കം 31 ഉപഗ്രഹങ്ങളെ പി.എസ്.എല്‍.വി സി 40 റോക്കറ്റ് ഭ്രമണപഥത്തില്‍ വിജയകരമായി എത്തിച്ചിരിക്കുകയാണ്.
ഇന്ത്യക്ക് ഇത് അഭിമാന നിമിഷമാണ്. ഉയര്‍ന്ന ഭ്രമണപഥത്തില്‍നിന്നു താഴ്ന്ന പഥത്തില്‍ റോക്കറ്റിനെ വീണ്ടുമെത്തിച്ച ഉപഗ്രഹ സാങ്കേതികവിദ്യയുടെ പരീക്ഷണ വിജയമാണിത്. ഇതിനു പിന്നില്‍ അഹോരാത്രം പ്രയത്‌നിച്ച ഒാരോ ഐ.എസ്.ആര്‍.ഒ ജീവനക്കാരനും പ്രശംസയര്‍ഹിക്കുന്നു.