സുല്‍ത്താന്‍ ബത്തേരി: കെ.എസ്.ആര്‍.ടി.സി ബത്തേരി ഡിപ്പോയില്‍ നിന്ന് പുതിയ ദീര്‍ഘദൂര സര്‍വിസുകള്‍ ആരംഭിച്ചു. കോഴിക്കോട് റെയില്‍വേ സ്‌റ്റേഷനിലേക്കും നെടുമ്പാശ്ശേരി എയര്‍പോര്‍ട്ടിലേക്കുമാണ് സര്‍വിസുകള്‍ ആരംഭിച്ചത്.
പൂലര്‍ച്ചെ മൂന്ന് മണിക്ക് ആരംഭിച്ച് 5.45 ന് റെയില്‍വേ സ്റ്റേഷനിലും തിരിച്ച് 6.30ന് പുറപ്പെട്ട് 9.30ന് ബത്തേരിയിലും എത്തും.തുടര്‍് 10.30ന് പുറപ്പെടുന്നബസ്സ് 1.30 ന് റെയില്‍വേസ്റ്റഷനില്‍ എത്തി രണ്ട് മണിയോടെ അവിടെ നിന്നും തിരിച്ച് 5 മണിക്ക് ബത്തേരിയില്‍ സമാപിക്കുന്ന തരത്തിലാണ് സര്‍വീസുകള്‍ ക്രമീകരിച്ചിരിക്കുന്നത്. നെടുമ്പാശ്ശേരി എയര്‍പോര്‍ട്ടിലേക്ക് രാവിലെ 6.30നാണ് സര്‍വീസ് ആരംഭിക്കുക. ഇത് 2.30ഓടെ നെടുമ്പാശ്ശേരിയില്‍ എത്തും. തിരിച്ച് 5.30ന് പുറപ്പെട്ട് 12.30ന് ബത്തേരിയില്‍ എത്തുന്ന തരത്തിലാണ് ഈ സര്‍വിസ്. സര്‍വിസുകള്‍ ഐ.സി ബാലകൃഷ്ണന്‍ എം.എല്‍.എ ഫഌഗ് ഓഫ് ചെയ്തു. ചടങ്ങില്‍ ത്രിതല പഞ്ചായത്ത് പ്രതിനിധികള്‍, വിവിധ രാഷ്ട്രീയ പാര്‍ട്ടി പ്രതിനിധികള്‍, കെ.എസ്.ആര്‍.ടി.സി ജീവനക്കാര്‍ പങ്കെടുത്തു.