മൂവാറ്റുപുഴ: സലാലയില്‍ മൂവാറ്റുപുഴ സ്വദേശികളുടെ മരണത്തെ സംബന്ധിച്ച ദുരൂഹതയ്ക്ക് അറുതിയായില്ല.
കഴിഞ്ഞ 22ന് രാവിലെയാണ് ഒമാനിലെ സലാലക്ക് സമീപമുള്ള താമസ സ്ഥലത്ത് മൂവാറ്റുപുഴ ആട്ടായം മുടവനാശേരില്‍ മുഹമ്മദ് ( 52 ) ഉറവക്കുഴി പുറ്റമറ്റത്തില്‍ നജീബ് (49) എന്നിവരെ മരിച്ച നിലയില്‍ കണ്ടെത്തിയത്. മൃതദേഹങ്ങള്‍ ഇന്നലെ വന്‍ ജനാവലിയുടെ സാന്നിധ്യത്തില്‍ ഖബറടക്കി. രാവിലെ 7.10 ഓടെ നെടുമ്പാശേരിയില്‍ എത്തിയ മൃതദേഹങ്ങള്‍ എല്‍ദോ എബ്രഹാം എം.എല്‍.എയുടെ നേതൃത്വത്തില്‍ ബണ്ഡുക്കള്‍ ഏറ്റുവാങ്ങി. 8.30 ഓടെ വീടുകളിലെത്തിച്ച മൃതദേഹങ്ങള്‍ അല്‍പസമയം പൊതുദര്‍ശനത്തിന് വച്ച ശേഷം പള്ളിയിലേക്ക് കൊണ്ടുപോയി. മുന്‍ മുഖ്യമന്ത്രി ഉമ്മന്‍ ചാണ്ടി, എല്‍ദോ എബ്രഹാം എം.എല്‍.എ എന്നവര്‍ അന്ത്യോപചാരം അര്‍പ്പിക്കാനെത്തി.