ഡമാസ്‌കസ്: സിറിയന്‍ ജയിലില്‍ 13000 രാഷ്ട്രീയ തടവുകാരെ രഹസ്യമായി വധശിക്ഷക്ക് വിധേയമാക്കിയതായി ആംനസ്റ്റി ഇന്റര്‍നാഷണല്‍ കണ്ടെത്തി. 2011 മുതല്‍ 2015 കാലയളവില്‍ സിറിയന്‍ പ്രസിഡന്റ് ബഷര്‍ അല്‍ അസദിന്റെ കീഴില്‍ 5000-13000ത്തോളം രാഷ്ട്രീയ വിചാരണ തടവുകാരെ ദമസ്‌കസിന് പുറത്ത് വച്ച് വധശിക്ഷക്ക് വിധേയമാക്കിയെന്നും മൃതദേഹങ്ങള്‍ ഒരുമിച്ച് കുഴിച്ചുമൂടി എന്നും ആംനസ്റ്റി റിപ്പോര്‍ട്ടുകള്‍ പറയുന്നു.

2011ല്‍ അസദ് ഭരണകൂടത്തിനെതിരെ ജനങ്ങളുടെ പ്രക്ഷോഭത്തിന് ശേഷം പതിനായിരത്തോളം രാഷ്ട്രീയതടവുകാര്‍ അപ്രത്യക്ഷമായെന്നും ഇവരൊക്കെ രഹസ്യമായി വധിക്കപ്പെട്ടിട്ടുണ്ടാകുമെന്നും മനുഷ്യാവകാശ സംഘടനകള്‍ നേരത്തെ തന്നെ പറഞ്ഞിരുന്നു.

എതിരാളികളെ ഉന്‍മൂലനം ചെയ്യുന്ന നയമാണ് അസദ് ഭരണകൂടത്തിന്റേതെന്നും ആംനസ്റ്റി ഇന്റര്‍നാഷണല്‍ പറയുന്നു.