ചട്ടഞ്ചാല്‍(കാസര്‍കോട്): സമസ്ത കേരള ജം ഇയ്യത്തുല്‍ മുഅല്ലിമീന്‍, വിദ്യാര്‍ഥികള്‍ എന്നിവരുടെ ഇസ്‌ലാമിക് കലാമേള കാസര്‍കോട് ചട്ടഞ്ചാല്‍ മാഹിനാബാദിലെ മലബാര്‍ ഇസ്‌ലാമിക് കോംപ്ലക്‌സില്‍ മെയ് 13 മുതല്‍ 15 വരെ നടക്കും. പരിപാടിയുടെ നടത്തിപ്പിന് വേണ്ടിയുള്ള സ്വാഗത സംഘം രൂപീകരണ യോഗം യു.എം അബ്ദുറഹിമാന്‍ മൗലവി ഉദ്ഘാടനം ചെയ്തു. ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ സംസ്ഥാന പ്രസിഡന്റ് സി.കെ.എം സ്വാദിഖ് മുസ്‌ലിയാര്‍ അധ്യക്ഷനായി. സമസ്ത കേന്ദ്ര മുശാവറ അംഗം എം.എം മുഹ്‌യിദ്ദീന്‍ മുസ്‌ലിയാര്‍ പ്രാര്‍ഥന നടത്തി. സമസ്ത ട്രഷററായി തിരഞ്ഞെടുക്കപ്പെട്ട സി.കെ.എം സ്വാദിഖ് മുസ്‌ലിയാര്‍ക്ക് സംസ്ഥാന കമ്മിറ്റിയുടെ ഉപഹാരം എം.എ.ഖാസിം മുസ്‌ലിയാരും സമസ്ത ജില്ലാ മുശാവറ ഉപഹാരം ജില്ലാ പ്രസിഡന്റ് ത്വാഖ അഹമ്മദ് അല്‍ അസ്ഹരിയും നല്‍കി. കലാമേളയുടെ വെബ്‌സൈറ്റ് ലോഞ്ചിങ് എസ്.വൈ.എസ് സംസ്ഥാന വൈസ് പ്രസിഡന്റ് ഡോ. ഖത്തര്‍ ഇബ്‌റാഹിം ഹാജി നിര്‍വഹിച്ചു.
കൊടക് അബ്ദുറഹിമാന്‍ മുസ്‌ലിയാര്‍, ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ മാനേജര്‍ എം.എ ചേളാരി, കൊട്ടപ്പുറം അബ്ദുല്ല മാസ്റ്റര്‍, എം.എസ് തങ്ങള്‍ മദനി, അബൂബക്കര്‍ സാലൂദ് നിസാമി തുടങ്ങിയവര്‍ യോഗത്തില്‍ സംസാരിച്ചു.
സ്വാഗത സംഘം ഭാരവാഹികള്‍: പാണക്കാട് സയ്യിദ് ഹൈദരലി ശിഹാബ് തങ്ങള്‍ (മുഖ്യ രക്ഷാധികാരി), സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, പ്രൊഫ. കെ.ആലിക്കുട്ടി മുസ്‌ലിയാര്‍, സി.കെ.എം സ്വാദിഖ് മുസ്‌ലിയാര്‍, പി.കെ.പി അബ്ദു സലാം മുസ്‌ലിയാര്‍, അബ്ദുല്‍ ജബ്ബാര്‍ മുസ്‌ലിയാര്‍ മിത്തവയല്‍, എം.ടി അബ്ദുല്ല മുസ്‌ലിയാര്‍, ത്വാഖ അഹമ്മദ് അല്‍ അസ്ഹരി, എം.എ ഖാസിം മുസ്‌ലിയാര്‍, സയ്യിദ് കെ.എസ് അലി തങ്ങള്‍ കുമ്പോല്‍, മാണിയൂര്‍ അഹമ്മദ് മുസ്‌ലിയാര്‍, ഇ.കെ മഹ്്മൂദ് മുസ്‌ലിയാര്‍, പയ്യക്കി അബ്ദുല്‍ ഖാദര്‍ മുസ്‌ലിയാര്‍, എം.എസ് തങ്ങള്‍ മദനി, ചെര്‍ക്കളം അബ്ദുല്ല, മെട്രോ മുഹമ്മദ് ഹാജി, കെ.ടി അബ്ദുല്ല ഫൈസി (രക്ഷാധികാരികള്‍).
യു.എം അബ്ദുറഹിമാന്‍ മൗലവി (ചെയര്‍മാന്‍), കെ.മൊയ്തീന്‍ കുട്ടി ഹാജി ചട്ടഞ്ചാല്‍(വര്‍ക്കിങ് ചെയര്‍മാന്‍), ഡോ. ബഹാഉദ്ദീന്‍ മുഹമ്മദ് നദ്‌വി (ജനറല്‍ കണ്‍വീനര്‍), കൊടക് അബ്ദുറഹിമാന്‍ മുസ്‌ലിയാര്‍, അബൂബക്കര്‍ സാലൂദ് നിസാമി (വര്‍ക്കിങ് കണ്‍വീനര്‍മാര്‍), ഡോ. ഖത്തര്‍ ഇബ്രാഹിം ഹാജി (ട്രഷറര്‍).