കോഴിക്കോട്: ലോ അക്കാദമി സമരം ഒത്തുതീര്‍പ്പാക്കുക, ലോ അക്കാദമി പ്രിന്‍സിപ്പല്‍ ലക്ഷ്മി നായര്‍ രാജിവയ്ക്കുക എന്നീ ആവശ്യങ്ങള്‍ ഉന്നയിച്ച് എ.ഐ.വൈ.എഫിന്റെ ആഭിമുഖ്യത്തില്‍ കോഴിക്കോട് ഡി.ഡി.ഇ ഓഫിസിലേക്ക് മാര്‍ച്ച് നടത്തി. സംസ്ഥാന ജോ. സെക്രട്ടറി അഡ്വ. പി. ഗവാസ് മാര്‍ച്ച് ഉദ്ഘാടനം ചെയ്തു. ജില്ലാ ജോ. സെക്രട്ടറി അഭിജിത്ത് കോറോത്ത് സ്വാഗതം പറഞ്ഞു. ജില്ലാ പ്രസിഡന്റ് എന്‍.എം ബിജു, ജില്ലാ സെക്രട്ടറി സി.കെ ബിജിത്ത്‌ലാല്‍, ജില്ലാ ജോ. സെക്രട്ടറി കെ.പി ബിനൂപ് സംസാരിച്ചു. വി.എം സമീഷ്, ഇ. മന്‍സൂര്‍, പി. സുനില്‍കുമാര്‍, ടി. സുരേഷ്, കെ.കെ രഞ്ജിഷ്, മനോജ് താപു, ചാള്‍സ് വര്‍ഗീസ്, റിയാസ് അഹമ്മദ് നേതൃത്വം നല്‍കി.