കടമേരി: ആയഞ്ചേരി മുക്കടത്തും വയലിന് സമീപം വീട്ടിലേക്കുള്ള വഴി തടസപ്പെടുത്തി വിധവയെയും മകനെയും അക്രമിച്ചതായി പരാതി. തെക്കെ തറമല്‍ ബിയ്യാത്തുവിന്റെ വീട്ടിലേക്കുള്ള വഴിയാണ് അയല്‍വാസിയായ തെക്കെ തറമല്‍ ഷാജി കല്ലുവച്ച് തടസപ്പെടുത്തിയത്. മാസങ്ങളായി ഇരുവീട്ടുകാരും തമ്മില്‍ വഴിയെചൊല്ലി തര്‍ക്കത്തിലായിരുന്നു.
ഒടുവില്‍ വടകര തഹസില്‍ദാര്‍ ഇടപെട്ട് ആയഞ്ചേരി വില്ലേജ് അധികൃതര്‍ മുഖേന ബിയ്യാത്തുവിന് വഴി അനുവദിക്കുകയായിരുന്നു. ഈ വഴി ഏതാനും ദിവസം മുന്‍പ് ഷാജി കെട്ടിയടക്കുകയും തഹസില്‍ദാര്‍ ഇടപെട്ട് പൊളിച്ച് നീക്കുകയും ചെയ്തിരുന്നു.
വീണ്ടും അര്‍ധരാത്രിയില്‍ ഷാജി വഴി തടസപ്പെടുത്തിയത് ബിയ്യാത്തുവിന്റെ മകന്‍ ഷംസീറും ബന്ധുക്കളും ചേര്‍ന്ന് പൊളിച്ചുമാറ്റിയതാണ് അക്രമത്തിന് കാരണമായത്.