വിക് ആന്‍ സീ: ഇന്ത്യന്‍ ഇതിഹാസം വിശ്വനാഥന്‍ ആനന്ദിന് ടാറ്റ സ്റ്റീല്‍ മാസ്റ്റേഴ്‌സ് ചെസ്സ് ടൂര്‍ണമെന്റില്‍ സമനില. രണ്ടാം റൗണ്ട് പോരാട്ടത്തില്‍ റഷ്യയുടെ സെര്‍ജി കര്യാകിനുമായാണ് താരം സമനിലയില്‍ പിരിഞ്ഞത്. നേരത്തെ ആദ്യ റൗണ്ട് പോരാട്ടത്തില്‍ ആനന്ദ് മാക്‌സിം മത്‌ലകോവിനെ പരാജയപ്പെടുത്തിയിരുന്നു. ഒരോ ജയവും സമനിലയുമായി ആനന്ദ് 1.5 പോയിന്റ് സ്വന്തമാക്കി രണ്ടാം സ്ഥാനത്ത്. ഹോളണ്ട് താരം അനിഷ് ഗിരിയാണ് ഒന്നാം സ്ഥാനത്ത്. മാഗ്നസ് കാള്‍സന്‍, മമെദ്യറോവ് എന്നിവരും ആനന്ദിനൊപ്പം രണ്ടാം സ്ഥാനത്ത് നില്‍ക്കുന്നു.