മാഡ്രിഡ്: ഉജ്ജ്വല തിരിച്ചുവരവ് കണ്ട പോരാട്ടത്തില്‍ റയല്‍ സോസിഡാഡിനെ എവേ മത്സരത്തില്‍ തകര്‍ത്തെറിഞ്ഞ് ബാഴ്‌സലോണ അപരാജിതരായി നിലകൊള്ളുന്നു. രണ്ട് ഗോളിന് പിന്നില്‍ നിന്ന ശേഷം നാല് ഗോളുകളില്‍ മറുപടി നല്‍കിയാണ് ബാഴ്‌സയുടെ തിരിച്ചുവരവ്. സുവാരസിന്റെ ഇരട്ട ഗോളുകളും ലയണ്‍ മെസ്സി, പൗലീഞ്ഞോ എന്നിവരുടെ ഗോളുകളാണ് കറ്റാലന്‍ വിജയത്തിന്റെ കാതല്‍.
കളിയുടെ 11, 34 മിനുട്ടുകളിലാണ് ബാഴ്‌സ ഗോള്‍ വഴങ്ങിയത്. 39ാം മിനുട്ടില്‍ പൗലീഞ്ഞോയിലൂടെ ലീഡ് കുറച്ചാണ് ബാഴ്‌സലോണ ഇടവേളയ്ക്ക് പിരിഞ്ഞിത്. പിന്നീട് 50, 71 മിനുട്ടുകളില്‍ സുവാരസും 85ാം മിനുട്ടില്‍ മെസ്സിയും പട്ടിക തികച്ചു.