തുള്‍സ (ഒക്‌ലഹോമ): ഏഴ് ദിവസങ്ങള്‍ക്കുള്ളില്‍ ഏഴ് വന്‍കരകളിലായി ഏഴ് വേള്‍ഡ് മാരത്തോണില്‍ പങ്കെടുത്ത് ഇന്ത്യന്‍ വംശജനായ ദന്ത ഡോ.രാജ് പട്ടേല്‍ റെക്കോര്‍ഡിട്ടു. എലൈറ്റ് ക്ലബ് ഓഫ് അത്‌ലറ്റിക്‌സില്‍ അംഗമായ ഡോ. രാജ് ജനുവരി 23ന് ആന്റാര്‍ട്ടിക്കയിലാണ് ആദ്യ മാരത്തോണില്‍ പങ്കെടുത്തത്. അടുത്ത ആറ് ദിവസങ്ങളില്‍ ചിലി, ഫ്‌ളോറിഡ, സ്‌പെയിന്‍, മൊറോക്കോ, ദുബൈ, ആസ്‌ത്രേലിയ തുടങ്ങിയ രാജ്യങ്ങളില്‍ പറന്നെത്തിയാണ് വേള്‍ഡ് മാരത്തോണില്‍ പങ്കെടുത്തത്.
ദേവ് 2011 ലാണ് ആദ്യമായി ഒരു മത്സരത്തില്‍ പങ്കെടുത്തത്. തുടര്‍ന്ന് ഒരാഴ്ചയ്ക്കുള്ളില്‍ ഏഴ് മാരത്തോണ്‍ ഉള്‍പ്പെടെ 92 മാരത്തോണുകളിലാണ് പങ്കെടുത്തത്. മത്സരം പൂര്‍ത്തിയാക്കിയ 31 പേരില്‍ എട്ടാം സ്ഥാനത്തെത്തിയതാണ് ജീവിതത്തിലെ ഏറ്റവും മികച്ച വിജയമെന്ന് ഡോക്ടര്‍ പറഞ്ഞു.