മലപ്പുറം: മഹല്ലുകളെ ശിഥിലമാക്കാന്‍ ശ്രമിക്കുന്ന ബിദഇകളും വിഘടിതരുമുള്‍പ്പടെയുള്ള നിഗൂഡ ശക്തികള്‍ക്കും സമൂഹത്തിലെ അധാര്‍മിക പ്രവണതകള്‍ക്കുമെതിരേ ജാഗ്രത പാലിക്കാന്‍ മഹല്ല് നേതൃത്വം തയ്യാറാകണമെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പറഞ്ഞു. എസ്.വൈ.എസ് ജില്ലാ കൗണ്‍സില്‍ ക്യാംപ് മലപ്പുറം സുന്നി മഹലില്‍ ഉദ്ഘാടനം ചെയ്യുകയായിരുന്നു അദ്ദേഹം. കെ.കെ.എസ് തങ്ങള്‍ വെട്ടിച്ചിറ അധ്യക്ഷനായി. ഹംസ റഹ്്മാനി കൊണ്ടിപ്പറമ്പ് കര്‍മ പദ്ധതിയും ഷാഹുല്‍ ഹമീദ് മേല്‍മുറി റിപ്പോര്‍ട്ടും അവതരിപ്പിച്ചു. സമസ്ത ലീഗല്‍ സെല്‍ ചെയര്‍മാന്‍ ഹാജി കെ. മമ്മദ് ഫൈസി, കണ്‍വീനര്‍ പി.എ ജബ്ബാര്‍ ഹാജി, പുത്തനഴി മൊയ്തീന്‍ ഫൈസി, കെ.ടി മൊയ്തീന്‍ ഫൈസി തുവ്വൂര്‍, അബ്ദുസ്സമദ് പൂക്കോട്ടൂര്‍, കാടാമ്പുഴ മൂസ ഹാജി, ബി.എസ്.കെ തങ്ങള്‍, പി.വി മുഹമ്മദ് മൗലവി, സി. അബ്ദുല്ല മൗലവി, കാളാവ് സൈതലവി മുസ്്‌ലിയാര്‍, സലീം എടക്കര, ഹസന്‍ സഖാഫി പൂക്കോട്ടൂര്‍, ശാഫി മാസ്റ്റര്‍ ആലത്തിയൂര്‍, എം.പി മുഹമ്മദ് മുസ്്‌ലിയാര്‍, അബ്ദുറഹീം ചുഴലി, സി.കെ ഹിദായത്തുല്ലാഹ് പ്രസംഗിച്ചു.