മനാമ: ബഹ്‌റൈനില്‍ ജോലി ചെയ്യുന്ന മലയാളി യുവാവിനെ താമസ സ്ഥലത്ത് ജീവനൊടുക്കിയ നിലയില്‍ കണ്ടെത്തി.

കൊല്ലം സ്വദേശിയായ അനസ് മുഹമ്മദ് ഹുസ്സൈന്‍ (26) എന്ന യുവാവിനെയാണ് ടൂബ്ലിയിലെ താമസ സ്ഥലത്ത് ജീവനൊടുക്കിയ  നിലയില്‍ കണ്ടെത്തിയത്.


മനാമയിലെ സെന്‍ട്രല്‍ മാര്‍ക്കറ്റില്‍ മട്ടന്‍ സ്റ്റാളില്‍ ജോലി ചെയ്തു വരികയായിരുന്നു യുവാവ്. പുലര്‍ച്ചെ നേരത്തെ എഴുന്നേറ്റു ജോലിക്ക് പോകാറുണ്ടായിരുന്ന യുവാവ് കഴിഞ്ഞ ദിവസം റൂമിനു പുറത്തു പോയിരുന്നില്ല. അന്വേഷിച്ചപ്പോഴാണ് മുറിയില്‍ ജീവനൊടുക്കിയ നിലയില്‍ യുവാവിനെ കണ്ടെത്തിയത്. സംഭവം അറിഞ്ഞയുടന്‍ പൊലിസ് എത്തി താമസസ്ഥലം പരിശോധിച്ചു.  

നിയമ നടപടികള്‍ പൂര്‍ത്തിയാക്കി മൃതദേഹം നാട്ടിലേക്കയക്കും.