ബാങ്കോക്: ഇന്തോനേഷ്യയില്‍ അഭയാര്‍ഥികള്‍ സഞ്ചരിച്ചിരുന്ന ബോട്ട് മുങ്ങി ആറു പേര്‍ മരിച്ചു. ഏഴു പേരെ കാണാതായിട്ടുണ്ട്.
മലേഷ്യയിലെ സബയില്‍നിന്നു ഇന്തോനേഷ്യയിലേക്കു സഞ്ചരിക്കുകയായിരുന്ന ബോട്ടാണ് അപകടത്തില്‍പ്പെട്ടത്. ബോട്ടില്‍ നിരവധി അഭയാര്‍ഥികളാണുണ്ടായിരുന്നത്.
ഇന്തോനേഷ്യന്‍ അധികൃതരാണു കടലില്‍ മൃതദേഹങ്ങള്‍ കണ്ടെത്തിയത്. കഴിഞ്ഞയാഴ്ച നടന്ന അപകടത്തിലെ മൃതദേഹങ്ങള്‍ ഇന്നലെയാണ് കണ്ടെത്തിയത്. ബുധനാഴ്ച രണ്ടു പേരെ മലേഷ്യന്‍ മത്സ്യതൊഴിലാളികള്‍ രക്ഷപ്പെടുത്തിയിരുന്നു. മറ്റുള്ളവര്‍ക്കായി തിരച്ചില്‍ നടത്തുന്നുണ്ട്.