വടകര: കേരള ഹയര്‍ സെക്കന്‍ഡറി സ്‌കൂള്‍ ടീച്ചേഴ്‌സ് യൂണിയന്‍ (കെ.എച്ച്.എസ്.ടി.യു) ജില്ലാ സമ്മേളനം ഇന്ന് വൈകുന്നേരം അഞ്ചിന് വടകര ഡാസില്‍ ഓഡിറ്റോറിയത്തില്‍ ആരംഭിക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. ജില്ലാ പ്രസിഡന്റ് അന്‍വര്‍ അടുക്കത്ത് പതാക ഉയര്‍ത്തുന്നതോടെ സമ്മേളനത്തിന് തുടക്കമാകും. വൈകുന്നേരം ഏഴിന് സി.കെ നാണു എം.എല്‍.എ ഉദ്ഘാടനം ചെയ്യും. വി.കെ അബ്ദുറഹിമാന്‍ അധ്യക്ഷനാകും. എ.ഇ.ഒ വേണുഗോപാല്‍ സപ്ലിമെന്റ് പ്രകാശനം നിര്‍വഹിക്കും. രാത്രി എട്ടിന് കുടുംബസംഗമം താജുദ്ദീന്‍ വടകര ഉദ്ഘാടനം ചെയ്യും. തുടര്‍ന്ന് കലാനിശ അരങ്ങേറും.