ആലത്തൂര്‍: പാലക്കാട് ജില്ലാ ബോഡി ബില്‍ഡിങ് അസോസിയേഷന്‍ സംഘടിപ്പിക്കുന്ന നാല്‍പ്പത്തി ഒന്നാമത് മിസ്റ്റര്‍ പാലക്കാട് ചാംപ്യന്‍ഷിപ്പ് 14 ന് ആറങ്ങോട്ടുകര എ.യു.പി.സ്‌കൂളില്‍ നടക്കും. ജില്ലാ പഞ്ചായത്ത് വൈസ് പ്രസിഡന്റ് ടി.കെ. നാരായണദാസ് ഉദ്ഘാടനം ചെയ്യും. ബോഡി ബില്‍ഡിങ് അസോസിയേഷന്‍ ജില്ലാ പ്രസിഡന്റ് അഡ്വ. പി.എ. ഗോകുല്‍ദാസ് അധ്യക്ഷനാകും. ഫെബ്രുവരി 19ന് തൃശൂരില്‍ നടത്തുന്ന നാല്‍പ്പത്തി രണ്ടാമത് മിസ്റ്റര്‍ കേരള മത്സരത്തിലേക്കുള്ള പാലക്കാട് ജില്ലാ ടീമിനേയും ഈ വേദിയില്‍നിന്നാണ് തെരഞ്ഞെടുക്കുന്നത്. മിസ്റ്റര്‍ പാലക്കാട്, ജൂനിയര്‍ മിസ്റ്റര്‍ പാലക്കാട്, സബ് ജൂനിയര്‍ മിസ്റ്റര്‍ പാലക്കാട് എന്നീ വിഭാഗങ്ങളിലാണ് മത്സരങ്ങളെന്ന് ജില്ലാ സെക്രട്ടറി എസ്. സൂരജ് കാവശ്ശേരി അറിയിച്ചു. ഫോണ്‍: 9288657172.