ചവറ: തെക്കുംഭാഗത്ത് തുണിക്കട കുത്തിത്തുറന്ന് പണം കവര്‍ന്നു. വടക്കുംഭാഗം കണ്ണങ്കടേയ്ക്കല്‍ പടിഞ്ഞറ്റതില്‍ ബിജുവിന്റെ നടയ്ക്കാവില്‍ പ്രവര്‍ത്തിക്കുന്ന കട്പീസ് സെന്ററില്‍ കഴിഞ്ഞദിവസം രാത്രിയിലായിരുന്നു മോഷണം. കടയുടെ പൂട്ടു തകര്‍ത്ത് അകത്തുകടന്ന മോഷ്ടാക്കള്‍ മേശയുടെ വലിപ്പില്‍ നിന്നും പതിനായിരത്തിലധികം രൂപയും ബാങ്ക് പാസ്ബുക്കും പാന്‍ കാര്‍ഡും മറ്റു വിലപ്പെട്ട രേഖകളും അടങ്ങിയ ബാഗ് കവര്‍ന്നു. ഇന്നലെ രാവിലെ കട തുറക്കാനെത്തിയപ്പോഴാണ് മോഷണ വിവരം അറിയുന്നത്. പരാതി ലഭിച്ചതിനെ തുടര്‍ന്നു ചവറ തെക്കുംഭാഗം പൊലിസ് സ്ഥലത്തെത്തി പരിശോധന നടത്തി. കടയ്ക്ക് തെക്കുഭാഗത്ത് നിര്‍മ്മാണത്തിലിരിക്കുന്ന വീടിന്റെ പറമ്പില്‍ ഉപേഷിക്കപ്പെട്ട നിലയില്‍ ബാഗും രേഖകളും കണ്ടെത്തി. െ
തക്കുംഭാഗത്ത് നടയ്ക്കാവിലും മുട്ടത്ത് ജങ്ഷനിലും മോഷണവും സാമൂഹ്യവിരുദ്ധ ശല്യവും വ്യവപകമായിട്ടും പൊലിസ് നടപടിയെടുക്കുന്നില്ലെന്ന് ആക്ഷേപമുണ്ട്.