പുനലൂര്‍: നെട്ടയം, ആര്‍ച്ചല്‍ പ്രദേശത്ത് നടപ്പാക്കുന്ന മണ്ണ് ജല സംരക്ഷണ പദ്ധതിയുടെ ഉദ്ഘാടനം മന്ത്രി കെ .രാജു നിര്‍വഹിക്കും. 13ന് ഉച്ചക്ക് മൂന്നിന് ആര്‍ച്ചല്‍ ഗവ. എല്‍.പി.എസില്‍ ചേരുന്ന യോഗത്തില്‍ ഏരൂര്‍ ഗ്രാമപഞ്ചായത്ത് പ്രസിഡന്റ് ഓമന മുരളീധരന്‍ അധ്യക്ഷയാകും. കശുവണ്ടി വികസന കോര്‍പ്പറേഷന്‍ ചെയര്‍മാന്‍ എസ് ജയമോഹന്‍ മുഖ്യപ്രഭാഷണം നടത്തും. കൊട്ടരക്കര മണ്ണ് സംരക്ഷണ ഓഫിസര്‍ എന്‍. പവിത്രന്‍ പദ്ധതി വിശദീകരിക്കും.
അഞ്ചല്‍ ബ്ലോക്ക് പഞ്ചായത്ത് പ്രസിഡന്റ് രഞ്ജു സുരേഷ്, അഞ്ചല്‍ ഗ്രാമപഞ്ചായത്ത് പ്രസിഡന്റ് സുജാ ചന്ദ്രബാബു, ജില്ലാ ഡിവഷന്‍ മെമ്പര്‍ ബി സരോജാദേവി, ഏരൂര്‍ ഗ്രാമപഞ്ചായത്തംഗങ്ങളായ പി അനിത, കെ അനിമോന്‍ തുടങ്ങിയവര്‍ പങ്കെടുക്കും.