കൊച്ചി: അതിരൂപത ഭൂമിയിടപാടില്‍ ആരോപണവിധേയനായ കര്‍ദിനാള്‍ മാര്‍ ജോര്‍ജ് ആലഞ്ചേരിക്കെതിരേ പള്ളികളില്‍ ലഘുലേഖ വിതരണം. വൈദികരുടേയും വിശ്വാസികളുടേയും പുതിയ സംഘടനയാണ് ലഘുലേഖ വിതരണം ചെയ്തത്. അതിരൂപതയിലെ ഭൂമികച്ചവടങ്ങളും വസ്തുതകളും എന്ന പേരിലാണ് ലഘുലേഖ. സഭയ്ക്കുള്ളില്‍ തന്നെ പ്രശ്‌നം പരിഹരിക്കാന്‍ വൈദികര്‍ പരവാവധി ശ്രമിച്ചിരുന്നു. തുടര്‍ന്നും നടന്ന അസത്യ പ്രചാരണങ്ങള്‍ക്ക് ഇത് തണലാവുന്നതുകൊണ്ടാണ് വിശദീകരണമെന്നും ലഘുലേഖയില്‍ പറയുന്നു.