തൃശൂര്‍: തിരുവില്വാമല വില്വാദ്രിനാഥ ക്ഷേത്രത്തില്‍ വന്‍ തീപിടിത്തം. രാത്രി 8.30 ഓടുകൂടിയാണ് തീപിടിത്തം ശ്രദ്ധയില്‍പ്പെട്ടത്. വൈകിട്ട് ക്ഷേത്രത്തില്‍ നടന്ന ദീപാരാധനയ്ക്കിടെ വിളക്കില്‍ നിന്ന് തീ പടര്‍ന്നതാകാം എന്നാണ് പ്രാഥമിക നിഗമനം.
ക്ഷേത്രത്തിന്റെ വടക്കുഭാഗത്താണ് തീപിടിത്തം ആദ്യമുണ്ടായത്. മേല്‍ക്കൂരയിലേക്ക് തീപടര്‍ന്നതിനെ തുടര്‍ന്ന് മേല്‍ക്കൂര തകര്‍ന്ന് വീണു.
അഞ്ച് യൂനിറ്റ് ഫയര്‍ഫോഴ്‌സെത്തി തീയണക്കാനുള്ള ശ്രമം അര്‍ധരാത്രിയിലും തുടരുകയാണ്.
നാട്ടുകാരും ദേവസ്വം ജീവനക്കാരും ആദ്യം തീ അണയ്ക്കാനുള്ള ശ്രമം നടത്തിയിരുന്നു.