പെരിങ്ങത്തൂര്‍:പെരിങ്ങത്തൂര്‍ റെയ്ഞ്ച് ജംയ്യത്തുല്‍ മുഅല്ലിമീന്‍, മദ്‌റസ മാനേജ്‌മെന്റ് അസോസിയേഷന്‍ എന്നിവയുടെ ആഭിമുഖ്യത്തില്‍ പെരിങ്ങത്തൂര്‍ റെയ്ഞ്ച് ജംയ്യത്തുല്‍ മുഅല്ലിമീന്‍ ഇസ്‌ലാമിക് കലാമേളയ്ക്ക് പുളിയനമ്പ്രം മനാറുല്‍ ഹുദാ മദ്‌റസയില്‍ തുടക്കമായി. അബ്ദുല്‍ ഹക്കീം അല്‍ ഖാസിമി പതാക ഉയര്‍ത്തി. ടി.കെ ഉമ്മര്‍ മുസ്‌ല്യാര്‍ പ്രാര്‍ഥനയ്ക്ക് നേതൃത്വം നല്‍കി. ജംഇയ്യത്തുല്‍ മുഅല്ലിമീന്‍ ജനറല്‍ സിക്രട്ടറി അബ്ദുല്‍ മജീദ് ദാരിമി ഉദ്ഘാടനം ചെയ്തു. പി.എം ഹക്കീം അധ്യക്ഷനായി. എന്‍.എ അബൂബക്കര്‍, വി നാസര്‍, ഇ.എ നാസര്‍, എം സുലൈമാന്‍, പി സുലൈമാന്‍, യു.കെ അബ്ദുള്ള, വി.കെ മഹമൂദ്, അബൂബക്കര്‍, മുഹമ്മദ് കുട്ടി മുസ്‌ല്യാര്‍, കൂലോത്ത് മൂസ ഹാജി, വി മമ്മു ഹാജി, വി ഫൈസല്‍, സാദിഖ് ഇട്ടലില്‍ സംസാരിച്ചു. പെരിങ്ങത്തൂര്‍ റെയ്ഞ്ചിലെ 27 മദ്‌റസകളില്‍ നിന്നായി ആയിരത്തോളം വിദ്യാര്‍ഥികളുടെയും അധ്യാപകരുടെയും കലാ, സാഹിത്യ മത്സരങ്ങള്‍ നടക്കും. നാളെ വൈകുന്നേരം എട്ടിന് സമസ്ത കേന്ദ്ര മുശാവറ അംഗം ടി.എസ് ഇബ്രാഹിംകുട്ടി മുസ്‌ല്യാര്‍ സമാപന സമ്മേളനം ഉദ്ഘാടനം ചെയ്യും.