ന്യൂഡല്‍ഹി: പാരിസ്ഥിതിക മലിനീകരണത്തില്‍ ഏറ്റവും മോശം രാജ്യങ്ങളിലൊന്ന് ഇന്ത്യ.
180 രാജ്യങ്ങളുടെ പട്ടികയില്‍ 177ാം സ്ഥാനത്താണ് ഇന്ത്യയുടെ സ്ഥാനമെന്ന് പാരിസ്ഥിതിക ഗുണനിലവാര ഇന്‍ഡക്‌സ് പുറത്തുവിട്ട പട്ടികയിലാണ് ഇക്കാര്യം ചൂണ്ടിക്കാട്ടിയിട്ടുള്ളത്. രണ്ടുവര്‍ഷം മുന്‍പ് ഇന്ത്യയുടെ സ്ഥാനം 141 ആയിരുന്നു.
ദാവോസില്‍ നടന്ന ലോക സാമ്പത്തിക ഉച്ചകോടിയിലാണ് പട്ടിക പുറത്തുവിട്ടത്. കോംഗോ, ബംഗ്ലാദേശ്, ബുറുണ്ടി എന്നിവയക്കേള്‍ മെച്ചപ്പെട്ട നിലവാരമാണ് ഇന്ത്യക്കുള്ളത്. അന്തരീക്ഷ വായുവിന്റെ ഗുണനിലവാരം, ജൈവ സംരക്ഷണം തുടങ്ങിയവയെല്ലാം കണക്കിലെടുത്താണ് മലിനീകരണ തോത് വിലയിരുത്തുന്നത്. പാരിസ്ഥിതിക രംഗത്ത് ഏറ്റവും നല്ല നിലവാരം പുലര്‍ത്തുന്ന രാജ്യം സ്വിറ്റ്‌സര്‍ലന്റാണ്. ഫ്രാന്‍സ്, ഡെന്‍മാര്‍ക്ക്, മാള്‍ട്ട, സ്വീഡന്‍ തുടങ്ങിയവയാണ് ഏറ്റവും മുന്നിലുള്ള രാജ്യങ്ങള്‍.
അമേരിക്ക 27ാം സ്ഥാനത്താണ്. ഇന്ത്യയുടെ അന്തരീക്ഷ മലിനീകരണ തോത് പരിഗണിച്ച് ഇന്ത്യക്ക് 5.75 മാര്‍ക്ക് ലഭിച്ചപ്പോള്‍ ചൈനക്ക് 14.39ഉം, പാകിസ്തന് 15.69ഉം മാര്‍ക്ക് ലഭിച്ചു.