മലപ്പുറം: അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സ് (അസ്മി)സംസ്ഥാന കലോത്സവം നാളെ രാവിലെ ഒന്‍പത് മുതല്‍ വൈകിട്ട് അഞ്ചു വരെ വെളിമുക്ക് ക്രസന്റ് റസിഡന്‍ഷ്യല്‍ സ്‌കൂളില്‍ നടക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. സമസ്ത കേരളാ ഇസ്്‌ലാം മത വിദ്യാഭ്യാസ ബോര്‍ഡിനു കീഴില്‍ അണ്‍ എയ്ഡഡ് സ്‌കൂളുകളുടെ കൂട്ടായ്മയായി രൂപം കൊണ്ട അസ്മിയില്‍ അഫിലിയേറ്റ് ചെയ്ത സ്ഥാപനങ്ങളിലെ ആയിരത്തോളം പ്രതിഭകളാണ് കിഡ്‌സ് ഫെസ്റ്റില്‍ മാറ്റുരക്കുന്നത്.
രാവിലെ സയ്യിദ് കെ.കെ.എസ് തങ്ങള്‍ വെട്ടിച്ചിറ പതാക ഉയര്‍ത്തും. ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്യും. സമസ്ത വിദ്യാഭ്യാസ ബോര്‍ഡ് സെക്രട്ടറി ഡോ.എന്‍.എ.എം അബ്ദുല്‍ ഖാദര്‍, മാനേജര്‍ കെ.മോയിന്‍കുട്ടി മാസ്റ്റര്‍, കെ.എം അബ്ദുല്ല മാസ്റ്റര്‍, ഹാജി പി.കെ മുഹമ്മദ്, പി .വി മുഹമ്മദ് മൗലവി എടപ്പാള്‍, റഹീം ചുഴലി, നവാസ് ഓമശ്ശേരി, റഷീദ് കബളക്കാട് സംസാരിക്കും.
വൈകിട്ട് സമാപന പരിപാടി പി.അബ്ദുല്‍ ഹമീദ് എം.എല്‍.എ ഉദ്ഘാടനം ചെയ്യും. ദര്‍ശ ടി.വി മാനേജിങ് ഡയറക്ടര്‍ മന്നാര്‍ ഇസ്മാഈല്‍ കുഞ്ഞി ഹാജി സമ്മാന വിതരണം നടത്തും. സിദ്ദീഖ് ഫൈസി വാളക്കുളം, അബ്ദുസ്സലാം ഫൈസി ഒളവട്ടൂര്‍, ഒ.കെ.എം കുട്ടി ഉമരി, വി.സി ഇഖ്ബാല്‍ നാദാപുരം, അഡ്വ.പി.പി ആരിഫ്, സലിം എടക്കര, അനീസ് ജിഫ്‌രി തങ്ങള്‍, മജീദ് പറവണ്ണ, ഡോ. അലി അക്ബര്‍ ഹുദവി, സി രാജ് മോഹനന്‍ സംസാരിക്കും.
വാര്‍ത്താ സമ്മേളനത്തില്‍ അസ്മി സംസ്ഥാന ജന.സെക്രട്ടറി ഹാജി പി.കെ മുഹമ്മദ്, മദ്‌റസ മാനേജ്‌മെന്റ് അസോസിയേഷന്‍ സെക്രട്ടറി എം.എ ഖാദര്‍, അസ്മി സെക്രട്ടറിമാരായ റഹീം ചുഴലി, നവാസ് ഓമശ്ശേരി, അഡ്വ.പി.പി ആരിഫ് എന്നിവര്‍ സംബന്ധിച്ചു.