തളിപ്പറമ്പ്: ദേശീയപാതയില്‍ ബക്കളം നെല്ലിയോട്ട് അമ്പലത്തിനു സമീപം നാല് വാഹനങ്ങള്‍ കൂട്ടിമുട്ടി രണ്ടു പേര്‍ക്ക് പരുക്കേറ്റു. കണ്ണൂര്‍ ഭാഗത്തേക്ക് പോവുകയായിരുന്ന സ്വകാര്യ ബസ് സ്റ്റോപ്പില്‍ നിര്‍ത്തി ആളെയിറക്കുമ്പോള്‍ പിറകില്‍ ഉണ്ടായിരുന്ന കാറില്‍ ടൂറിസ്റ്റ് ബസ് ഇടിച്ചാണ് അപകടമുണ്ടായത്.
കാറിനു മുന്നിലുണ്ടായിരുന്ന ബൈക്കും അപകടത്തില്‍പെട്ടു. ഇടിയുടെ ആഘാതത്തില്‍ കാറും ബൈക്കും സ്വകാര്യ ബസിന്റെ അടിയിലേക്ക് കയറിപ്പോയിരുന്നു.
അപകടത്തില്‍ കാര്‍ ഡ്രൈവര്‍ക്കും ബൈക്ക് യാത്രികനുമാണ് പരുക്കേറ്റത് ബൈക്ക് യാത്രികന്‍ കണ്ണൂര്‍ സ്വദേശി നൗഫലിനെ തളിപ്പറമ്പ് സ്വകാര്യ ആശുപത്രിയില്‍ പ്രവേശിപ്പിച്ചു. കാര്‍ ഡ്രൈവര്‍ക്ക് ചികിത്സ നല്‍കി വിട്ടയച്ചു.