കൂത്തുപറമ്പ്: മൂര്യാട് കുറ്റിക്കാട് ഭാഗത്ത് കണ്ടെത്തിയ മ്ലാവ് ചത്തു.
ഇന്നലെ രാവിലെ എട്ടോടെയാണ് കുറ്റിക്കാട് ഗ്രൗണ്ടിനു സമീപം ജനവാസ മേഖലയിലേക്ക് കാടിറങ്ങി വന്ന മൂന്നു വയസുള്ള മ്ലാവിനെ കണ്ടെത്തിയത്. ജനങ്ങളെ കണ്ട് സമീപത്തെ മതില്‍ ചാടി ഓടിപ്പോകാന്‍ ശ്രമിക്കുന്നതിനിടയില്‍ മതിലിനിടിച്ച് കഴുത്തിനു പരുക്കേല്‍ക്കുകയും ചെയ്തു. അവശനിലയിലായ മ്ലാവ് 9.30ഓടെ ചത്തു. വെറ്ററിനറി ഡോക്ടര്‍ രവി പ്രസാദിന്റെ നേതൃത്വത്തില്‍ പോസ്റ്റ്‌മോര്‍ട്ടം നടത്തി. കൂത്തുപറമ്പ് പൊലിസും സ്ഥലത്തെത്തിയിരുന്നു.