കൊടുങ്ങല്ലൂര്‍: ദേശീയപാതയില്‍ വാഹനാപകടത്തില്‍പെട്ടവര്‍ക്ക് മന്ത്രി തുണയായി. ആലയില്‍ നിയന്ത്രണം വിട്ട കാര്‍ ബസ് വെയിറ്റിങ് ഷെഡിലേക്ക് ഇടിച്ച് കയറിയുണ്ടായ അപകടത്തിനിടയിലാണ് സഹായവുമായി കൃഷി വകുപ്പ് മന്ത്രി വി.എസ് സുനില്‍കുമാര്‍ എത്തിയത്.
അപകടം നടന്ന ഉടനെ അതുവഴി വന്ന മന്ത്രി കാര്‍ നിര്‍ത്തി പരുക്കേറ്റവരെ ആശുപത്രിയിലെത്തിക്കുവാന്‍ ആവശ്യമായ സഹായങ്ങള്‍ ചെയ്യുകയും ആശുപത്രിയുമായി ബന്ധപ്പെട്ട് ചികിത്സാ സൗകര്യം ഏര്‍പ്പാടാക്കുകയും ചെയ്തു. പരുക്കേറ്റവരെ ആശുപത്രിയിലേക്ക് കൊണ്ടു പോയതിനു ശേഷമാണ് മന്ത്രി യാത്ര തുടര്‍ന്നത്.