കൊല്ലം: പത്താംതരം തുല്യതയുടെ പത്താമത് ബാച്ചില്‍ ജില്ലയില്‍ 85.91 ശതമാനം വിജയം. 1036 പഠിതാക്കള്‍ പരീക്ഷ എഴുതിയതില്‍ 890 പേരും വിജയിച്ചു. സംസ്ഥാനതലത്തില്‍ ജില്ലയ്ക്ക് മൂന്നം സ്ഥാനമാണ്. വയനാട്(88.44) ഒന്നാം സ്ഥാനത്തും കോഴിക്കോട്(86.58) രണ്ടാം സ്ഥാനത്തുമാണ്. പുനലൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ പരീക്ഷയെഴുതിയ എസ്. രഞ്ജിത്താണ് ജില്ലയില്‍ മികച്ച വിജയം നേടിയത്. വിജയിച്ചവര്‍ക്ക് ഈ വര്‍ഷം ഹയര്‍ സെക്കന്‍ഡറി തുല്യതാ കോഴ്‌സിന് രജിസ്റ്റര്‍ ചെയ്യാം. സംസ്ഥാനത്ത് 18103 പേര്‍ പരീക്ഷ എഴുതിയതില്‍ 14995 പേര്‍ വിജയിച്ചു.