ശ്രീനഗര്‍: ജമ്മു കശ്മിരിലെ കുല്‍ഗാം ജില്ലയില്‍ ഭീകരരും സൈന്യവുമായുണ്ടായ ഏറ്റുമുട്ടലില്‍ മൂന്ന് സൈനികര്‍ കൊല്ലപ്പെട്ടു. ശക്തമായി തിരിച്ചടിച്ച സൈന്യം നാല് ഭീകരരെ വധിച്ചു. കുല്‍ഗാമിലെ യാരിപോരയില്‍ ഇന്ന് രാവിലെയാണ് സംഭവം. രണ്ട് ഭീകരരുടെ മൃതദേഹം കണ്ടെടുത്തിട്ടുണ്ട്. രണ്ട് സൈനികർക്ക് പരുക്കേറ്റതായും റിപ്പോർട്ടുണ്ട്. 

വീടിനുള്ളില്‍ ഒളിച്ചിരിക്കുകയായിരുന്ന ഭീകരര്‍ക്ക് നേരെ സൈന്യം വെടിയുതിര്‍ക്കുകയായിരുന്നു. ഏറ്റുമുട്ടല്‍ ഇപ്പോഴും തുടരുകയാണ്. ഭീകരരുടെ പക്കല്‍ നിന്നും നാലോളം ആയുധങ്ങളും പിടിച്ചെടുത്തിട്ടുണ്ട്.