തിരുവനന്തപുരം: തിരുവിതാംകൂര്‍ ദേവസ്വം ബോര്‍ഡിലെ പുതിയ ദേവസ്വം കമ്മിഷണറായി എന്‍. വാസു ഇന്നലെ ചുമതലയേറ്റു.
ദേവസ്വം കമ്മിഷണറായിരുന്ന സി.പി രാമരാജ പ്രേമ പ്രസാദിന്റെ കാലാവധി അവസാനിച്ചതിനെത്തുടര്‍ന്നാണ് നിയമനം. നന്ദന്‍കോട്ടെ ആസ്ഥാന ഓഫിസ് കോംപൗണ്ടില്‍ പ്രവര്‍ത്തിക്കുന്ന ദേവസ്വം കമ്മിഷണറുടെ ഓഫിസില്‍ വച്ച് ഡെപ്യൂട്ടി ദേവസ്വം കമ്മിഷണര്‍ എസ്. ഗായത്രിദേവിയില്‍ നിന്നാണ് എന്‍. വാസു ചുമതലയേറ്റുവാങ്ങിയത്.