കേരളത്തെ സമ്പൂര്‍ണമായി അവഗണിച്ച ബജറ്റാണിതെന്ന് എം.ഐ ഷാനവാസ് എം.പി പറഞ്ഞു. കാര്‍ഷിക കടങ്ങള്‍ എഴുതിത്തള്ളാത്തതും, വിദ്യാഭ്യാസ വായ്പയ്ക്ക് ആനുകൂല്യങ്ങള്‍ പ്രഖ്യാപിക്കാത്തതും, തൊഴിലില്ലായ്മയ്ക്ക് പരിഹാരനിര്‍ദ്ദേശങ്ങള്‍ നല്‍കാത്തതും ഈ സര്‍ക്കാരിന്റെ തനി നിറം വ്യക്തമാക്കുന്നുവെന്നു അദ്ദേഹം പറഞ്ഞു. സാധാരണക്കാര്‍ക്ക് ബജറ്റില്‍ ഒന്നുമില്ലെന്നും എല്ലാം കോര്‍പറേറ്റുകള്‍ക്കാണെന്നും സി.പി.ഐ ജനറല്‍ സെക്രട്ടറി സുധാകര്‍ റെഡ്ഡി ആരോപിച്ചു.
വിലക്കയറ്റം നിയന്ത്രിക്കുന്നതിനോ എക്‌സൈസ് നികുതി ഒഴിവാക്കി പെട്രോളിനെയും ഡീസലിനെയും ജി.എസ്.ടി പരിധിയില്‍ കൊണ്ടുവരുന്നതിനോ ഉള്ള പ്രഖ്യാപനങ്ങള്‍ ബജറ്റിലില്ലെന്ന് കൊടിക്കുന്നില്‍ സുരേഷ് എം.പി പറഞ്ഞു.