കുറ്റിക്കാട്ടൂര്‍: കുറ്റിക്കാട്ടൂര്‍ ജാമിഅഃ യമാനിയ്യയുടെ കീഴില്‍ നിര്‍മിക്കുന്ന ഇ. അഹമ്മദ് മെമ്മോറിയല്‍ കമ്മ്യൂണിറ്റി ഹാള്‍ ശിലാസ്ഥാപനം പാണക്കാട് സ്വാദിഖലി ശിഹാബ് തങ്ങള്‍ നിര്‍വഹിച്ചു. ചെയര്‍മാന്‍ സ്ഥാനത്തേക്ക് ഇ. അഹമ്മദിന്റെ മകന്‍ റഈസ് അഹമ്മദിനെ തെരഞ്ഞെടുത്തു. കമ്മ്യൂണിറ്റിഹാള്‍ പ്രൊജക്ട് സമര്‍പ്പണം റഈസ് അഹമ്മദ് നിര്‍വഹിച്ചു.
സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പ്രാര്‍ഥനയും ഹാഫിള് ഹുസൈന്‍ ബാഫഖി തങ്ങള്‍ ഖിറാഅത്തും നടത്തി. ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവി മുഖ്യപ്രഭാഷണം നടത്തി. ആര്‍.വി കുട്ടിഹസ്സന്‍ ദാരിമി ആമുഖ പ്രഭാഷണം നടത്തി. സയ്യിദ് ഹംസ ബാഫഖി തങ്ങള്‍ അധ്യക്ഷനായി.
സുപ്രഭാതം മാനേജിങ് എഡിറ്റര്‍ നവാസ് പൂനൂര്‍ അനുസ്മരണ പ്രഭാഷണം നടത്തി. മുസ്തഫ ഹുദവി ആക്കോട്, ഉമര്‍ ഫൈസി മുക്കം, നാസര്‍ ഫൈസി കൂടത്തായി, അബൂബബക്കര്‍ ഫൈസി മലയമ്മ, ജമാല്‍ സാഹിബ്, സി.പി കുഞ്ഞിമുഹമ്മദ്, എ.ടി ബഷീര്‍, മരക്കാര്‍ ഹാജി, മൂസക്കോയ ഹാജി, സലീം ഹാജി, മുബശ്ശിര്‍ തങ്ങള്‍, എന്‍ജിനീയര്‍ മാമുക്കോയ ഹാജി, പാലത്തായി മൊയ്തു ഹാജി, ഖാലിദ് കിളിയമുണ്ട, വീരാന്‍ ഹാജി, കുഞ്ഞാലി ഹാജി, ദീവാര്‍ ഹുസ്സൈന്‍ ഹാജി, നജീബ് അണ്ടിക്കോട്, ഒ.പി അശ്‌റഫ്, ഇ. എം കോയ ഹാജി, മിര്‍ശാദ് യമാനി ചാലിയം കെ. പി കോയ സംസാരിച്ചു. മൂസ മൗലവി സ്വാഗതവും അബ്ബാസ് ദാരിമി നന്ദിയും പറഞ്ഞു.