ആലുവ: എടത്തല അല്‍ അമീന്‍ കോളേജിന് സമീപമുള്ള കോയേലിമല മൈതാനത്ത് തീപിടുത്തം. മൈതാനത്ത് പാര്‍ക്ക് ചെയ്തിരുന്ന കണ്ടെയ്‌നര്‍ ലോറിയിലേയ്ക്ക് തീപടര്‍ന്നതിനെ തുടര്‍ന്ന് ലക്ഷങ്ങളുടെ നഷ്ടം. ലോറിയുടെ പിന്‍ഭാഗത്താണ് തീപടര്‍ന്നത്. ഫയര്‍ ഫോഴ്‌സും, കോളേജ് വിദ്യാര്‍ത്ഥികളും, നാട്ടുകാരും ചേര്‍ന്ന് മണിക്കൂറുകളെടുത്താണ് തീയണച്ചത്.
തിങ്കളാഴ്ച രാവിലെ പത്തരയോടെയാണ് കോയേലിമല മൈതാനത്ത് തീപടര്‍ന്നത്.  മാലിന്യത്തിനും കരിയലയ്ക്കും ആരോ തീയിടുകയായിരുന്നു. നിമിഷ നേരം കൊണ്ട് തീആളി പടര്‍ന്നു.  പത്തേക്കറോളം വരുന്ന പ്രദേശം മുഴുവന്‍ കത്തി നശിച്ചു. ആലുവയില്‍ നിന്ന് രണ്ടും എന്‍.എ.ഡിയുടെ ഒന്നും ഫയര്‍ എഞ്ചിനുകള്‍ സ്ഥലത്തെത്തിയാണ് തീയണച്ചത്. അന്‍വര്‍സാദത്ത എം.എല്‍.എ, ഗ്രാമപഞ്ചായത്ത് പ്രതിനിധികള്‍ എന്നിവര്‍ സ്ഥലം സന്ദര്‍ശിച്ചു.