HOME
DETAILS

കുടിവെള്ള പ്രശ്‌നം; തൊഴിലാളികള്‍ റോഡ് ഉപരോധിച്ചു

  
backup
February 14 2017 | 03:02 AM

%e0%b4%95%e0%b5%81%e0%b4%9f%e0%b4%bf%e0%b4%b5%e0%b5%86%e0%b4%b3%e0%b5%8d%e0%b4%b3-%e0%b4%aa%e0%b5%8d%e0%b4%b0%e0%b4%b6%e0%b5%8d%e2%80%8c%e0%b4%a8%e0%b4%82-%e0%b4%a4%e0%b5%8a%e0%b4%b4%e0%b4%bf


രാജാക്കാട്: അരമനപ്പാറ കുടിവെള്ള പ്രശ്‌നം വീïും വിവാദത്തിലേക്ക്. സബ് കലക്ടറുടെ ഉത്തരവിനെ തുടര്‍ന്ന് നാട്ടുകാര്‍ വെള്ളമെടുക്കാന്‍ തുടങ്ങിയതോടെ തങ്ങള്‍ക്ക് കുടിവെള്ളം ഇല്ലെന്നാരോപിച്ച് അരമാനപ്പാറ എസ്റ്റേറ്റിലെ നൂറോളം തൊഴിലാളികള്‍ പണി മുടക്കി ഒഴിഞ്ഞ കുടങ്ങളുമായി  റോഡ് ഉപരോധിച്ചു. കുടിവെള്ളം കിട്ടാതെ സമരത്തില്‍ നിന്നും പിന്‍മാറില്ലെന്ന് തൊഴിലാളികള്‍ പ്രഖ്യാപിച്ചു.
മൂന്ന് ദിവസം മുന്‍പാണ് ദേവികുളം സബ് കലക്ടറുടെ ഉത്തരവിനെ തുടര്‍ന്ന് കുളത്തില്‍ ഹോസ് സ്ഥാപിച്ച് മുട്ടുകാട് നിവാസികള്‍ കുളത്തില്‍ നിന്നും വെള്ളമെടുക്കുവാന്‍ തുടങ്ങിയത്.
എന്നാല്‍ ഇതിന് ശേഷം തങ്ങള്‍ക്ക് വെള്ളം ലഭിക്കുന്നില്ലെന്ന് ആരോപിച്ച് എസ്റ്റേറ്റ് ലയത്തില്‍ താമസിക്കുന്ന തൊഴിലാളികള്‍ പ്രതിഷേധവുമായി രംഗത്തെത്തുകയായിരുന്നു. കുടിവെള്ളം ലഭിക്കുന്നതിന് അടിയന്തിര നടപടി സ്വീകരിക്കണമെന്നാവശ്യപ്പെട്ട് സ്ത്രീകളടക്കമുള്ള നൂറോളം തൊഴിലാളികള്‍ പണമുടക്കി ഖജനാപ്പാറ-മുട്ടുകാട് റോഡ് ഉപരോധിച്ചു.
രï് തലമുറയായി എസ്റ്റേറ്റില്‍ താമസിച്ച് ജോലി ചെയ്ത് വരുന്ന തങ്ങള്‍ കുടിവെള്ളത്തിന് ആശ്രയിക്കുന്നത് ഈ കുളത്തേയാണെന്നും വള്ളം കിട്ടാതെ സമരത്തില്‍ പിന്മാറില്ലെന്നും തൊഴിലാളികള്‍ പറഞ്ഞു. എസ്റ്റേറ്റിനുള്ളിലെ കുളത്തില്‍  നിന്ന് മുട്ടുകാട് നിവാസികള്‍ക്ക് വെള്ളം നല്‍കുന്നത് ജില്ലാ  പഞ്ചായത്ത് പ്രസിഡന്റിന്റെ വ്യക്തിപരമായ താല്‍പര്യമാണെന്നും തൊഴിലാളികള്‍ ആരോപിച്ചു.
അറുപതിലധികം വരുന്ന തൊഴിലാളികള്‍ക്ക് വെള്ളമില്ലാതായ സാഹചര്യത്തില്‍ ഇതിനെതിരേ ഇടുക്കി ജില്ലാ കലക്ടര്‍ക്ക് പരാതി നല്‍കുവാന്‍ ഒരുങ്ങുകയാണ് തോട്ടം ഉടമയും തൊഴിലാളികളും.




Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."