ടെസ്റ്റ് ക്രിക്കറ്റിൽ ചരിത്രംക്കുറിച്ച് സൗത്ത് ആഫ്രിക്കൻ യുവതാരം കോർബിൻ ബോഷ്. സിംബാബെവേക്കെതിരെയുള്ള ടെസ്റ്റ് മത്സരത്തിൽ ബൗളിങ്ങിലും ബാറ്റിങ്ങിലുമാണ് താരം തിളങ്ങിയത്. സെഞ്ച്വറിയും അഞ്ചു വിക്കറ്റുകൾ നേടിയുമാണ് കോർബിൻ തിളങ്ങിയത്. ടെസ്റ്റ് ക്രിക്കറ്റിൽ ആദ്യമായാണ് ഒരു സൗത്ത് ആഫ്രിക്കൻ താരം ഒരു മത്സരത്തിൽ തന്നെ ഫൈഫറും സെഞ്ച്വറിയും നേടുന്നത്. 

ഒന്നാം ഇന്നിങ്സിൽ 124 പന്തിൽ പുറത്താവാതെ 100 റൺസ് നേടിയാണ് താരം തിളങ്ങിയത്. രണ്ടാം ഇന്നിങ്സിൽ അഞ്ചു വിക്കറ്റുകളും തരാം സ്വന്തമാക്കി. 12 ഓവറിൽ രണ്ട് മെയ്ഡൻ ഉൾപ്പടെ 43 റൺസ് വിട്ടുനൽകിയാണ് താരം അഞ്ചു വിക്കറ്റുകൾ നേടിയത്. കഴിഞ്ഞ ഐപിഎല്ലിൽ മുംബൈ ഇന്ത്യൻസിന് വേണ്ടിയാണ് താരം കളിച്ചിരുന്നത്. 

യുവതാരം ലുയാൻ ഡ്ര പ്രിട്ടോറിയസും ആദ്യ ഇന്നിങ്സിൽ സെഞ്ച്വറി നേടിയിരുന്നു. 160 പന്തിൽ 153 റൺസ് നേടിയാണ് പ്രിട്ടോറിയസ് തിളങ്ങിയത്. 11 ഫോറുകളും നാല് സിക്സുകളും അടങ്ങുന്നതായിരുന്നു താരത്തിന്റെ തകർപ്പൻ പ്രകടനം.

ഇതോടെ ടെസ്റ്റ് ക്രിക്കറ്റിൽ അരങ്ങേറ്റ മത്സരത്തിൽ സൗത്ത് ആഫ്രിക്കയ്ക്ക് വേണ്ടി സെഞ്ച്വറി നേടുന്ന ഏറ്റവും പ്രായം കുറഞ്ഞ താരമായി മാറാനും പ്രിട്ടോറിയസിന് സാധിച്ചു. 19 വയസ്സും 93 ദിവസവും പ്രായമുള്ളപ്പോഴാണ് താരം ഈ റെക്കോർഡ് തന്റെ പേരിലാക്കി മാറ്റിയത്. രണ്ടാം ഇന്നിങ്സിൽ സൗത്ത് ആഫ്രിക്കക്കായി വ്ലാൻ മൾഡറും സെഞ്ച്വറി നേടി. 206 പന്തിൽ 147 റൺസാണ് താരം നേടിയത്. 

മത്സരത്തിൽ 328 റൺസിന്റെ കൂറ്റൻ വിജയമാണ് സൗത്ത് ആഫ്രിക്ക സ്വന്തമാക്കിയത്. 537 റൺസിന്റെ വിജയലക്ഷ്യം പിന്തുടർന്നിറങ്ങിയ സിംബാബ്‌വെ 208 റൺസിന്‌ പുറത്താവുകയായിരുന്നു. പരമ്പരയിലെ രണ്ടാം മത്സരം ജൂലൈ ആറ് മുതൽ 0 വരെയാണ് നടക്കുക.  

corbin bosch create a new record in test cricket