നെടുമ്പാശ്ശേരി: വെടിയുണ്ടയുമായി മലേഷ്യന്‍ പൊലിസ് ഓഫിസര്‍ നെടുമ്പാശേരി അന്താരാഷ്ട്ര വിമാനത്താവളത്തില്‍ സി.ഐ.എസ്.എഫിന്റെ പിടിയിലായി. മധുവിധു ആഘോഷിക്കാനെത്തിയ വിനോദ സഞ്ചാരിയാണ് പിടിയിലായത്.
മലേഷ്യ ജോഹര്‍ ജലന്തിക സ്വദേശി മുകുന്ദനെ(31)യാണ് ഞായറാഴ്ച്ച രാത്രി ബാഗില്‍ വെടിയുണ്ടയുമായി കസ്റ്റഡിയിലെടുത്തത്.
ഭാര്യയുമൊത്ത് കഴിഞ്ഞ 23ന് നെടുമ്പാശേരി വിമാനത്താവളം വഴി കേരളത്തിലെത്തിയ മുകുന്ദനും ഭാര്യയും ഊട്ടി, കോയമ്പത്തൂര്‍, മൂന്നാര്‍,കുമരകം എന്നിവിടങ്ങള്‍ സന്ദര്‍ശിച്ച ശേഷം ഞായറാഴ്ച്ച രാത്രി 11ന് മിലിന്‍ഡോ എയര്‍വേയ്‌സില്‍ കോലാലംപൂരിലേക്ക് മടങ്ങാനെത്തിയപ്പോഴാണ് പിടിയിലായത്.