വെട്ടത്തൂര്‍: പെരിന്തല്‍മണ്ണ മാനത്ത്മംഗലം മണ്ണാര്‍മല മാട് റോഡില്‍ കാര്‍ വയലിലേക്ക് മറിഞ്ഞു യാത്രക്കാര്‍ക്ക് പരുക്ക്. മണ്ണാര്‍മല പള്ളിപ്പടിയില്‍ ഞായറാഴ്ച ഉച്ചക്ക് രണ്ടിനാണ് അപകടം. പെരിന്തല്‍മണ്ണ ഭാഗത്തു നിന്ന് മേലാറ്റൂര്‍ ഭാഗത്തേക്കു പോകുന്ന കാറില്‍ നാലു യാത്രക്കാരാണ്  ഉണ്ടായിരുന്നത്. റോഡരികില്‍ വയലോരത്തുണ്ടായിരുന്ന മരത്തിലിടിച്ചാണ് കാര്‍  മറിഞ്ഞത്. നാട്ടുകാര്‍ രക്ഷാപ്രവര്‍ത്തനം നടത്തി. പരുക്കേറ്റവരെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.