കാഞ്ഞങ്ങാട്: വാഹന ഇടപാടുകാരനായ യുവാവിനെ കുത്തിപ്പരുക്കേല്‍പ്പിച്ചതായി പരാതി. ബല്ലാ കടപ്പുറം സമീര്‍ മന്‍സിലില്‍ അബ്ദുല്ല ഹാജിയുടെ മകന്‍ സമീര്‍ (23) നാണു കുത്തേറ്റത്. ഇയാളെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം പുതിയ കോട്ട പള്ളിക്കു പരിസരത്തു നില്‍ക്കുകയായിരുന്ന സമീറിനെ കുശാല്‍ നഗറിലെ ഇസ്മായില്‍ എന്നയാള്‍ അക്രമിക്കുകയായിരുന്നുവെന്നു പറയുന്നു.
പ്രദേശത്തുണ്ടായിരുന്ന ആളുകള്‍ ഓടിക്കൂടി ഇസ്മായിലിനെ പിടികൂടി പൊലിസില്‍ ഏല്‍പ്പിച്ചു. ഇസ്മായിലിനെ പൊലിസ് വിട്ടയച്ചതായി ആക്ഷേപമുണ്ട്. ഇസ്മായിലിനെതിരേ വധ ശ്രമത്തിനു കേസെടുക്കണമെന്ന് മോട്ടോര്‍ ഡീലേഴ്സ് അസോസിയേഷന്‍ ആവശ്യപ്പെട്ടു.