ദുബൈ: അറബ് യുവതയുടെ മുന്നേറ്റത്തിനും ലോകജനതയുടെ അഭിവൃദ്ധിക്കും കരുത്തു പകരുന്ന നിര്‍ദേശങ്ങളുമായി ദുബൈയില്‍ ലോക സര്‍ക്കാര്‍ ഉച്ചകോടി സമാപിച്ചു.
ചൊവ്വാ ദൗത്യം, ലോകജനതയുടെ അഭിവൃദ്ധി ലക്ഷ്യംവച്ചുള്ള സുസ്ഥിര വികസന പദ്ധതികള്‍ തുടങ്ങി വിവിധ വിഷയങ്ങള്‍ ഉച്ചകോടിയില്‍ ചര്‍ച്ചയായി.
വരും തലമുറയ്ക്കായി വിതച്ച വിത്തുകള്‍ ഫലപ്രദമാക്കാനുള്ള ദൃഢനിശ്ചയവുമായാണ് ഉച്ചകോടി കൊടിയിറങ്ങിയത്. 139 രാജ്യങ്ങളില്‍നിന്നുള്ള നായകരും ശാസ്ത്രജ്ഞരും സംരംഭകരും മറ്റും ഉച്ചകോടിയില്‍ പങ്കെടുത്തു.