തൃശൂര്‍:ജനാധിപത്യാവകാശങ്ങളെ നിഷേധിച്ച് പൊലിസിന് അമിതാധികാരം നല്‍കുന്ന യു.എ.പി.എ ഭീകരനിയമം പിന്‍വലിക്കണമെന്നാവശ്യപ്പെട്ട് 28 ന് യു.എ.പി.എ വിരുദ്ധവേദി നടത്തുന്ന സെക്രട്ടേറിയറ്റ് മാര്‍ച്ചിന് എഴുത്തുകാരും സാംസ്‌കാരികപ്രവര്‍ത്തകരും പിന്തുണ പ്രഖ്യാപിച്ചു. പൊതുപ്രവര്‍ത്തകര്‍ക്കും എഴുത്തുകാര്‍ക്കും മനുഷ്യാവകാശ പ്രവര്‍ത്തകര്‍ക്കുമെതിരേ യു.എ.പി.എ. പ്രയോഗിക്കുന്നത് അപലപനീയമാണെന്ന് അവര്‍ പ്രസ്താവനയില്‍ പറഞ്ഞു.
കെ. സച്ചിദാനന്ദന്‍, സക്കറിയ, കെ.ജി ശങ്കരപ്പിള്ള, സാറാ ജോസഫ്, സി. ഗൗരീദാസന്‍ നായര്‍ തുടങ്ങി 33 പേരാണ് ഒപ്പുവച്ചത്.