താമരശേരി: കെ.എസ്.ആര്‍.ടി.സിയെ തകര്‍ക്കാനുള്ള ശ്രമം ചെറുത്തു തോല്‍പ്പിക്കുമെന്ന് എം.കെ രാഘവന്‍ എം.പി പറഞ്ഞു. കെ.എസ്.ടി വര്‍ക്കേഴ്‌സ് യൂനിയന്‍ (ഐ.എന്‍.ടി.യു.സി )ജില്ലാ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ജനോപകാരപ്രദമായ നിരവധി സര്‍വിസുകളാണ് പുതിയ സര്‍ക്കാര്‍ നിര്‍ത്തലാക്കിയത്. ജീവനക്കാരെ അകാരണമായി ശിക്ഷിച്ചും പിരിച്ചുവിട്ടും അവരുടെ മനോവീര്യം തകര്‍ക്കുകയാണെന്നും അദ്ദേഹം പറഞ്ഞു.
വര്‍ക്കേഴ്‌സ് യൂനിയന്‍ ജില്ലാ പ്രസിഡന്റ് വി.ഡി പ്രേമരാജന്‍ അധ്യക്ഷനായി. സംസ്ഥാന ജന. സെക്രട്ടറി ആര്‍. ശശിധരന്‍ മുഖ്യപ്രഭാഷണം നടത്തി.
ഐ.എന്‍.ടി.യു.സി ജില്ലാ പ്രസിഡന്റ് അഡ്വ. എം. രാജന്‍, യൂനിയന്‍ സംസ്ഥാന വൈസ് പ്രസിഡന്റ് ഇ.കെ ജോര്‍ജ്, മണ്‍ലം കോണ്‍ഗ്രസ് പ്രസിഡന്റ് നവാസ് ഈര്‍പ്പോണ, പി. സുനില്‍കുമാര്‍, പി. ഗിരീഷ്, സുനില്‍ പൊക്കുന്ന്, ബിനു, രതീഷ്‌കുമാര്‍, പ്രകാശന്‍, പി.പി അബ്ദുല്‍ ലത്തീഫ്, കെ. ഗിരീഷ്‌കുമാര്‍, കെ. ഭസ്‌കരന്‍ സംസാരിച്ചു.
ഭാരവാഹികളായി വി.ഡി പ്രേമരാജന്‍ (പ്രസിഡന്റ്), കെ. ഭാസ്‌കരന്‍ (സെക്രട്ടറി), പ്രകാശന്‍ തൊട്ടില്‍പാലം (ട്രഷറര്‍) എന്നിവരെ തിരഞ്ഞെടുത്തു.