കരുനാഗപ്പള്ളി: ലോ അക്കാദമിയില്‍ പട്ടികജാതി വിദ്യാര്‍ഥികളെ പീഡിപ്പിച്ച സംഭവത്തില്‍ പട്ടികജാതി പട്ടികവര്‍ഗപീഡന നിയമമനുസരിച്ച് കേസെടുത്തിട്ടും ലക്ഷ്മിനായരെ പൊലിസ് എന്തുകൊണ്ട് അറസ്റ്റു ചെയ്യുന്നില്ലെന്ന് ഡി.സി.സി പ്രസിഡന്റ് ബിന്ദു കൃഷ്ണ. കെ.എസ്.യു നിയോജകമണ്ഡലം കമ്മിറ്റി സംഘടിപ്പിച്ച ഉപവാസ സമരം ഉദ്ഘാടനം ചെയ്യുകയായിരുന്നു അവര്‍. കേരള ചരിത്രത്തില്‍ ഏറ്റവും വലിയ സമരമായിരുന്നു ലോ അക്കാദമിയില്‍ നടന്നത്. സമരത്തെ ഒറ്റുകൊടുത്ത എസ്.എഫ്.ഐ യൂനിവേഴ്‌സിറ്റി കോളജില്‍ നടത്തിയ സദാചാര ഗുണ്ടായിസത്തിന് കുടപിടിക്കുന്ന നടപടിയാണ് കേരള സര്‍ക്കാര്‍ ചെയ്തുകൊണ്ടിരിക്കുന്നതെന്നും അവര്‍ പറഞ്ഞു. കേരളത്തിലെ കോളജുകളില്‍ എസ്.എഫ്.ഐ നടത്തിയ സമരങ്ങള്‍ മുഖംമൂടി അണിഞ്ഞുകൊണ്ടായിരുന്നു എന്നതിന്റെ തെളിവാണ് യൂനിവേഴ്‌സിറ്റി കോളജില്‍ നടന്ന സംഭവമെന്ന് കെ.സി വേണുഗോപാല്‍ എം.പി പറഞ്ഞു. തൊടിയൂര്‍ രാമചന്ദ്രന്‍, കെ.ജി രവി, ചിറ്റുമൂല നാസര്‍, തൃദീപ്കുമാര്‍, ബിന്ദ ുജയന്‍, ജി മഞ്ജുക്കുട്ടന്‍, സി.ഒ കണ്ണന്‍, ഷിബു.എസ് തൊടിയൂര്‍ എന്നിവര്‍ സംസാരിച്ചു.