കൊല്ലം: യൂത്ത് ലീഗ് നേതാവിന് ബൈക്ക് ഇടിച്ച് പരുക്കേറ്റു. മുസ്‌ലിം യൂത്ത് ലീഗ് സംസ്ഥാന കൗണ്‍സില്‍ അംഗവും ഇരവിപുരം നിയോജക മണ്ഡലം കമ്മിറ്റി വൈസ് പ്രസിഡന്റുമായ കിളികൊല്ലൂര്‍ കന്നിമ്മേല്‍ പള്ളിപടിഞ്ഞാറ്റതില്‍ എസ്. സുനിമോന്‍ (35) ആണ് അപകടത്തില്‍പ്പെട്ടത്. തലയ്ക്ക് സാരമായി പരിക്കേറ്റ സുനിമോന്‍ തിരുവനന്തപുരത്തെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്.
ഇന്നലെ രാവിലെ രണ്ടാംകുറ്റി ജങ്ഷന് സമീപത്തായിരുന്നു അപകടം. കുട്ടികളെ മദ്രസയില്‍ കൊണ്ടുപോയി വിട്ടശേഷം തിരികെ വീട്ടിലേക്ക് വരികയായിരുന്നു.