ഇറ്റാനഗര്‍: സംസ്ഥാനത്തെ രണ്ട് സ്ഥലങ്ങള്‍ യുനെസ്‌കോയുടെ പൈതൃക പട്ടികയില്‍ ഉള്‍പ്പെടുത്തണമെന്ന് സര്‍ക്കാര്‍ ആവശ്യം. സുബന്‍സിരി ജില്ലയിലെ സീറോ താഴ്്‌വരയിലെ അപ്താനി പ്രകൃതി ദൃശ്യം, വെസ്റ്റ് കെമങ് ജില്ലയിലെ തെംപാങ് ഗ്രാമം എന്നിവയെയാണ് യുനെസ്‌കോയുടെ പൈതൃക പട്ടികയില്‍ ഉള്‍പ്പെടുത്തണമെന്ന് സര്‍ക്കാര്‍ ആവശ്യപ്പെടുന്നത്. രണ്ട് പ്രദേശങ്ങളും നവീകരിക്കാനും പട്ടികയില്‍ ഇടംപിടിക്കുന്നതിനുള്ള നടപടികള്‍ക്കുമായി സര്‍ക്കാര്‍ ശ്രമം തുടങ്ങിയിട്ടുണ്ട്.