ഇരിട്ടി: പുതിക്കി പണിത ഇരിട്ടി ജുമുഅത്ത് പള്ളി പാണക്കാട് സാദിക്കലി ശിഹാബ് തങ്ങള്‍ ഉദ്ഘാടനം ചെയ്തു. മസ്ജിദുകള്‍ മുസ്‌ലിമിന്റെ അഭയ കേന്ദ്രങ്ങളാണെന്നും മസ്ജിദുകളെ പ്രാര്‍ഥനകള്‍ കൊണ്ട് സജീവമാക്കേണ്ടത് ഒരു മുസ്‌ലിമിന്റെ കടമയാണെന്നും അദ്ദേഹം പറഞ്ഞു. സമസ്ത കേരള ജം ഇയ്യത്തുല്‍ ഉലമ സംസ്ഥാന സെക്രട്ടറി പി.പി ഉമ്മര്‍ മുസ്‌ലിയാര്‍ പള്ളി വഖഫ് ചെയ്ത് പ്രഖ്യാപനം നടത്തി. കെ.ടി അബ്ദുല്ല മുസ്‌ലിയാര്‍, ഖത്വീ മുഹമ്മദ് മുസ്‌ലിയാര്‍, ഹമീദ് ദാരിമി, സക്കരിയ ബാഖവി, ലത്തീഫ് സഅദി, അബ്ദുല്‍ ഖാദര്‍ അല്‍ കാസിമി, ഇബ്രാഹിം മുണ്ടേരി, കെ.പി റസാക്ക്, അബ്ദുല്ല ഹാജി, കെ ഇബ്രഹിം, സക്കരിയ പാറയില്‍ സംസാരിച്ചു. സാംസ്‌കാരിക സമ്മേളനം ഇരിട്ടി മുനിസിപ്പല്‍ ചെയര്‍മാന്‍ പി. പി അശോകന്‍ ഉദ്ഘാടനം ചെയ്തു. ഇബ്രാഹിം മുണ്ടേരി അധ്യക്ഷനായി. കെ.പി റസാക്ക്, കെ ഇബ്രാഹിം, മുനിസിപ്പല്‍ കൗണ്‍സലര്‍മാരായ സി മുഹമ്മദലി, പി.പി ഉസ്മാന്‍, എന്‍ കുഞ്ഞിമൂസ സംസാരിച്ചു. രാത്രി നടന്ന മതവിജ്ഞാന സദസില്‍ ആബിദ് ഹുദവി തച്ചണ്ണ മുഖ്യപ്രഭാഷണം നടത്തി.