ന്യൂഡല്‍ഹി: മഹാരാഷ്ട്ര നിയമസഭ തിരഞ്ഞെടുപ്പ് ഫലം അപ്രതീക്ഷിതമെന്ന് പ്രതിപക്ഷ നേതാവ് രാഹുല്‍ ഗാന്ധി. ഫലം വിശദമായി വിശകലനം ചെയ്യുമെന്നും രാഹുല്‍ എക്‌സില്‍ കുറിച്ചു. 

ഇന്‍ഡ്യ മുന്നണിയെ വിജയിപ്പിച്ച ജാര്‍ഖണ്ഡ് ജനതയെ രാഹുല്‍ ഗാന്ധി അഭിനന്ദിക്കുകയും ചെയ്തു. സംസ്ഥാനത്ത് മുന്നണിയുടെ വിജയം ഭരണഘടനയോടൊപ്പം വെള്ളവും വനവും ഭൂമിയും സംരക്ഷിച്ചതിന്റെ വിജയം കൂടിയാണെന്നും രാഹുല്‍ പറഞ്ഞു. 

മാത്രമല്ല പ്രിയങ്ക ഗാന്ധിയെ പാര്‍ലമെന്റിലേക്കയച്ച വയനാട് നിവാസികളോടുള്ള കടപ്പാടും രാഹുല്‍ പ്രകടിപ്പിച്ചു. വയനാട്ടിലെ എന്റെ കുടുംബം പ്രിയങ്കയില്‍ വിശ്വാസം അര്‍പ്പിച്ചതില്‍ അഭിമാനം തോന്നുന്നു. നമ്മുടെ പ്രിയങ്കരമായ വയനാടിനെ പുരോഗതിയുടെയും സമൃദ്ധിയുടെയും വിളക്കുമാടമാക്കാന്‍ മാറ്റാന്‍ അവള്‍ ധൈര്യത്തോടെയും അനുകമ്പയോടെയും അചഞ്ചലമായ അര്‍പ്പണബോധത്തോടെയും നയിക്കുമെന്ന് എനിക്കറിയാം- രാഹുല്‍ ഗാന്ധി കുറിച്ചു.

Rahul Gandhi Maharashtra result unexpected and wil analyse  the result