കൊച്ചി: പ്ലാറ്റിനം ജൂബിലി ആഘോഷത്തോടനുബന്ധിച്ച് കേന്ദ്ര സമുദ്രമത്സ്യ ഗവേഷണ സ്ഥാപനം (സി.എം.എഫ്.ആര്‍.ഐ) മീനുകളെ തിരിച്ചറിയാനുള്ള മൊബൈല്‍ ആപ്പ് പുറത്തിറക്കുന്നു. പവിഴപ്പുറ്റുകളുമായി ബന്ധപ്പെട്ട 368 അലങ്കാര, ഭക്ഷ്യ മത്സ്യയിനങ്ങളെ തിരിച്ചറിയാന്‍ സഹായിക്കുന്നതാണ് മൊബൈല്‍ ആപ്പ്. നാളെ ഉച്ചയ്ക്ക് 2.30 ന് നടക്കുന്ന സി.എം.എഫ്.ആര്‍.ഐയുടെ പ്ലാറ്റിനം ജൂബിലി ആഘോഷങ്ങളുടെ ഉദ്ഘാടന വേളയില്‍ ഗവര്‍ണര്‍ ജസ്റ്റിസ് പി സദാശിവം പുറത്തിറക്കും. ശേഷം സി.എം.എഫ്.ആര്‍.ഐയുടെ വെബ്‌സൈറ്റില്‍ നിന്ന് (www.cmfri.org.in) ഡൗണ്‍ലോഡ് ചെയ്ത് ആപ്പ് ഉപയോഗിക്കാവുന്നതാണ്.

മൊബൈല്‍ ആപ്പ് വികസിപ്പിച്ചത് സി.എം.എഫ്.ആര്‍.ഐയിലെ അടിത്തട്ട് മത്സ്യവിഭാഗം പ്രിന്‍സിപ്പല്‍ സയന്റിസ്റ്റ് ഡോ. രേഖ ജെ നായര്‍ ആണ്.