കലയുണ്ടാവേണ്ട കലോത്സവത്തില്‍ കലാപമുണ്ടാക്കരുതെന്ന് എന്‍.എ നെല്ലിക്കുന്ന് എം.എല്‍.എ. കലോത്സവത്തിന്റെ ഭാഗമായുള്ള ചിത്ര സാഹിത്യോത്സവത്തിന്റെ സമാപനം ഉദ്ഘാടനം ചെയ്യുകയായിരുന്നു അദ്ദേഹം.
സമാപന ചടങ്ങിനു തൊട്ടുമുന്‍പ് കലോത്സവ നഗരിയില്‍ വിദ്യാര്‍ഥികള്‍ തമ്മില്‍ ചെറിയ സംഘര്‍ഷമുണ്ടായി. ഇതേതുടര്‍ന്നായിരുന്നു കുട്ടികളോടായി എം.എല്‍.എയുടെ ഉപദേശം. കുട്ടികളുടെ കലയുത്സവത്തിനെത്തിയ തന്നോട് കോളജിലെ സംഘര്‍ഷാവസ്ഥയെക്കുറിച്ചാണ് പലരും പറഞ്ഞത്. കാസര്‍കോടിന്റെ പേര് കളങ്കപ്പെടുത്താന്‍ ആരും ശ്രമിക്കരുത്. കലോത്സവത്തില്‍ ഒത്തൊരുമിച്ചു പോകാന്‍ എല്ലാവരും ശ്രദ്ധ ചെലുത്തണമെന്നും എം.എല്‍.എ പറഞ്ഞു. സര്‍വകലാശാല യൂനിയന്‍ ചെയര്‍മാന്‍ എം.കെ വിഷ്ണു അധ്യക്ഷനായി. പത്മനാഭന്‍ കാവുമ്പായി, പ്രിന്‍സിപ്പല്‍ ഡോ. മുഹമ്മദ് ഷുക്കൂര്‍, മുജീബ് റഹ്മാന്‍, കെ രാഹിത്ത്, കെ മഹേഷ് സംബന്ധിച്ചു.