പരീക്ഷയ്ക്ക് മനസൊരുക്കാം; മോട്ടിവേഷന്‍ ക്ലാസ് ഇന്ന്

backup

February 17 2017 | 19:02 PM

%e0%b4%aa%e0%b4%b0%e0%b5%80%e0%b4%95%e0%b5%8d%e0%b4%b7%e0%b4%af%e0%b5%8d%e0%b4%95%e0%b5%8d%e0%b4%95%e0%b5%8d-%e0%b4%ae%e0%b4%a8%e0%b4%b8%e0%b5%8a%e0%b4%b0%e0%b5%81%e0%b4%95%e0%b5%8d%e0%b4%95%e0%b4%be

കോഴിക്കോട്: എസ്.എസ്.എല്‍.സി, പ്ലസ്ടു പരീക്ഷയെഴുതുന്ന വിദ്യാര്‍ഥികള്‍ക്കായി സുപ്രഭാതം സംഘടിപ്പിക്കുന്ന ഏകദിന മോട്ടിവേഷന്‍ ക്ലാസ് ഇന്ന്. രാവിലെ ഒന്‍പതിന് ആരംഭിക്കുന്ന പരിപാടി വയലാര്‍ അവാര്‍ഡ് ജേതാവ് യു.കെ കുമാരന്‍ ഉദ്ഘാടനം ചെയ്യും.
മൂന്‍കൂട്ടി രജിസ്റ്റര്‍ചെയ്ത 100 പേര്‍ക്കു മാത്രമായിരിക്കും പ്രവേശനം. രജിസ്റ്റര്‍ ചെയ്ത വിദ്യാര്‍ഥികളെ സുപ്രഭാതത്തില്‍ നിന്ന് നേരിട്ടു ബന്ധപ്പെട്ടിട്ടുണ്ട്. കുട്ടികള്‍ കൃത്യം ഒന്‍പതിനു തന്നെ കോഴിക്കോട് ഫ്രാന്‍സിസ് റോഡിലെ സുപ്രഭാതം ഓഡിറ്റോറിയത്തിലെത്തണം. കുട്ടിയുടെ കൂടെ ഒരു രക്ഷിതാവും നിര്‍ബന്ധമായും പരിപാടിയില്‍ പങ്കെടുക്കണം.
വിദ്യാര്‍ഥികളുടെ പരീക്ഷാപേടി മാറ്റുന്നതിനോടൊപ്പം ജീവിതപ്രതിസന്ധികളെ തരണം ചെയ്യാനായി മനസ്സൊരുക്കുക എന്നതാണ് പരിപാടിയുടെ ലക്ഷ്യം. പ്രശസ്ത മാന്ത്രികന്‍ പ്രൊഫ. ആര്‍.കെ മലയത്താണ് 'മൈന്‍ഡ് ഡിസൈന്‍' എന്നു പേരിട്ടിരിക്കുന്ന പരിപാടിയുമായി കുട്ടികളോടു സംവദിക്കുന്നത്.
വിദ്യാര്‍ഥികളില്‍ ആത്മവിശ്വാസം വളര്‍ത്തുക, പരീക്ഷകളെ നേരിടാന്‍ തയാറാക്കുക, പഠിക്കാനുള്ള താല്‍പ്പര്യം വളര്‍ത്തുക, ലക്ഷ്യബോധവും ഇച്ഛാശക്തിയും വര്‍ധിപ്പിക്കുക തുടങ്ങിയവയാണ് 'മൈന്‍ഡ് ഡിസൈന്‍' ലക്ഷ്യമിടുന്നത്.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."