റിയാദ്: സഊദിയില്‍ കനത്തമഴയില്‍ റെയില്‍പാളം തകര്‍ന്ന് ട്രെയിന്‍ മറിഞ്ഞു. സംഭവത്തില്‍ 18 പേര്‍ക്കു പരുക്കേറ്റു.
കിഴക്കന്‍ പ്രവിശ്യയില്‍ ദമാമിനു സമീപമാണു സംഭവം. റിയാദില്‍ നിന്ന് ദമാമിലേക്കു വരികയായിരുന്ന ട്രെയിനാണ് അപകടത്തില്‍പെട്ടത്.
കഴിഞ്ഞ ഏതാനും ദിവസങ്ങളായി സഊദിയില്‍ കനത്ത മഴയാണ്. ഇതേതുടര്‍ന്നു പാളത്തിനടിയിലെ മണ്ണ് ഒഴുകിപ്പോയാണ് അപകടമുണ്ടായത്. ട്രെയിനിലെ യാത്രക്കാരായ 193 പേരെയും ആറു ജീവനക്കാരെയും മറ്റൊരു ട്രെയിനില്‍ ദമാമിലെ ആശുപത്രിയിലേക്കു മാറ്റി. ആരുടെയും പരുക്ക് ഗുരുതരമല്ലെന്ന് റെയില്‍വേ അധികൃതര്‍ വാര്‍ത്താകുറിപ്പില്‍ അറിയിച്ചു.