കോട്ടയം: സാമൂഹിക നീതി വകുപ്പ് നടപ്പിലാക്കുന്ന സംയോജിത ശിശുസംരക്ഷണ പദ്ധതിക്ക് കീഴിലുള്ള കോട്ടയം ചില്‍ഡ്രന്‍സ് ഹോമിലെ കുട്ടികള്‍ക്കുവേണ്ടി പുതുതായി പണികഴിപ്പിച്ച കെട്ടിടത്തിന്റെ ഉദ്ഘാടനം ഫെബ്രുവരി 21ന് ആരോഗ്യ, കുടുംബക്ഷേമ -സാമൂഹികനീതി വകുപ്പ് മന്ത്രി കെ.കെ ശൈലജ ടീച്ചര്‍ നിര്‍വഹിക്കും. വൈകുന്നേരം മൂന്നിന് ചേരുന്ന യോഗത്തില്‍ ഉമ്മന്‍ചാണ്ടി എം.എല്‍.എ അധ്യക്ഷത വഹിക്കും.
ജോസ് കെ. മാണി എം.പി മുഖ്യതിഥിയായിരിക്കും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് സമ്മാനദാനവും ജില്ലാ കലക്ടര്‍ സി.എ ലത മുഖ്യപ്രഭാഷണവും നടത്തും.
റ്റി.റ്റി ശശീന്ദ്രനാഥ്, മോനിമോള്‍, ജയ്‌മോന്‍, ലിസമ്മ ബേബി, ജോയ്‌സ് ജോസഫ് കൊറ്റത്തില്‍, നിസ ജോസ്, മുന്‍ എം.എല്‍.എ വി.എന്‍ വാസവന്‍, കെ.യു മേരിക്കുട്ടി, സാമൂഹിക നീതി വകുപ്പ് സെക്രട്ടറി മിനി ആന്റണി, ഡയറക്ടര്‍ റ്റി.വി അനുപമ, ജില്ലാ ഓഫിസര്‍ ശിവന്യ എസ്.എന്‍, ജില്ലാ ചൈല്‍ഡ് പ്രൊട്ടക്ഷന്‍ ഓഫിസര്‍ ബിനോയ് വി.ജെ, വിവിധ രാഷ്ട്രീയപാര്‍ട്ടി പ്രതിനിധികള്‍ സംസാരിക്കും.